Семейде елімізде атом электр станциясын салу мәселесі бойынша көпшілік талқылау өтті, - деп хабарлайды abaidan.kz агенттігі.
Қазақстан Республикасы "Атом энергиясын пайдалану туралы" заңының 12-бабына сәйкес Үкіметтің АЭС орналастыру ауданын таңдау туралы тиісті шешімін қабылдау үшін аумағында қондырғы салу жоспарланып отырған жергілікті өкілді органдардың (мәслихаттың) келісімі талап етіледі. Осыған байланысты Абай облысында тұрғындардың қатысуымен қоғамдық талқылау ұйымдастырылды.
Тыңдауда экология, денсаулық, табиғи-климаттық факторлардың АЭС-ке әсері, экономикалық факторлар, инфрақұрылымды дамыту мәселелері талқыланды.
Тыңдауға облыс тұрғындары, БАҚ өкілдері, облыстық. Қалалық мәслихат депутаттары, Абай облысының қоғамдық кеңестері мен ҮЕҰ мүшелері, энергетика министрлігі мен Ұлттық ядролық орталық өкілдері, қауіпсіздік, энергетика, инфрақұрылым, шағын және орта бизнес және т.б. сала өкілдері қатысты.
Тыңдау барысында азаматтар технологиялардың қауіпсіздігі мен АЭС құрылысының әлеуметтік-экономикалық аспектілері бойынша сұрақтарын қойып, мамандар тарапынан тиісті жауаптар алды.
АЭС суреті әлеуметтік желіден алынды.
