«Жарма барысы – 2026» жарысы өтті

Жарма ауданының Шар қаласы спорт кешенінде дәстүрлі “Жарма барысы – 2026” қазақ күресінен аудандық жарысы өтті. Ұлттық спортты насихаттауға бағытталған бұл додаға ауданның әр округінен келген балуандар қатысып, өзара мықтыны анықтады.

Жарыстың ашылу салтанатына аудан әкімі Нұрлан Борсықбаев, сондай-ақ құрметті қонақтар — қазақ күресінен халықаралық дәрежедегі спорт шебері, Азия және әлем чемпионы Ерсін Сейтказынов, грек-рим күресінен халықаралық дәрежедегі спорт шебері, әлем және Азия кубоктарының иегері, Шығыс Азия ойындарының күміс жүлдегері Нұрлан Қойжайғанов және қазақ күресінен Азия, Еуропа, әлем жеңімпазы, дзюдо мен самбодан спорт шебері, қазақ күресінен Абай облысының аға жаттықтырушысы Думан Қыздарбеков қатысты.

Жарыстың бас демеушісі — «Асыл ұрпақ 2020» ЖШС басшысы А. Сәрсембаев болды.

Дәстүрлі додаға ауданның 10 округінен барлығы 28 спортшы қатысып, әр салмақ дәрежесінде өзара бақ сынасты.

Жеңімпаздар мен жүлдегерлер

60 кг:

1 орын – Қараканов Марат (Шар қаласы)

2 орын – Мамедов Бекасыл (Қалбатау ауылы)

3 орын – Елтай Дарын (Жарық ауылы)

70 кг:

1 орын – Айсанов Медет (Қалбатау ауылы)

2 орын – Серік Абылай (Қалбатау ауылы)

3 орын – Тұрғазы Ертуған (Жаңғызтөбе кенті)

80 кг:

1 орын – Есімбеков Фархат (Жарық ауылы)

2 орын – Сембеков Асылбек (Қалбатау ауылы)

3 орын – Сейтқазиев Елдос (Жарма станциясы

90 кг:

1 орын – Байкалов Дархан (Жаңғызтөбе кенті)

2 орын – Әдилбек Жұмағати (Бірлік ауылы)

3 орын – Аманбай Берік (Жанаөзен ауылы)

90+ кг:

1 орын – Гульманов Дамир (Жаңғызтөбе кенті)

2 орын – Айсанов Медет (Қалбатау ауылы)

3 орын – Байкалов Дархан (Жаңғызтөбе кенті)

Жарыс қорытындысы бойынша “Жарма барысы – 2026” атағын Жаңғызтөбе кентінің балуаны Гульманов Дамир жеңіп алды.

Ұлттық спортты дәріптеген бұл жарыс жас балуандарға үлкен тәжірибе беріп, қазақ күресінің дамуына өз үлесін қосты.

---

#Абай облысы, #Спорт, #Жарма ауданы, #күрес