Абай гарнизонының Әскери полиция басқармасы әскери қызметшілер арасында құқық бұзушылықтың алдын алу мақсатында түсіндіру жұмыстарын өткізді,деп хабарлайды abaidan.kz ақпараттық агенттігі Абай өңірлік гарнизонының баспасөз қызметіне сілтеме жасап.
Кездесу барысында тұрмыстық зорлық-зомбылықтың алдын алу, есірткі заттарын пайдалану мен олардың заңсыз айналымына қарсы күрес мәселелері кеңінен талқыланды.
Іс-шараға қатысқан сала мамандары әскери қызметшілерге қолданыстағы заң талаптарын түсіндіріп, құқықтық жауапкершілік жөнінде жан-жақты ақпарат берді. Сонымен қатар әскери ортадағы тәртіп пен заңдылықты сақтау мәселелеріне ерекше назар аударылды.
Кездесу барысында әскери қызметшілер тарапынан қойылған сұрақтарға мамандар толыққанды жауап беріп, құқықтық сауаттылықты арттыруға бағытталған кеңестер ұсынды.
Айта кетейік, мұндай профилактикалық кездесулер әскери қызметшілер арасында құқықтық мәдениетті қалыптастырып, тәртіп пен жауапкершілікті нығайтуда маңызды рөл атқарады.
