Бүгін еліміздің барлық өңірлерінде жаңа Конституцияны қабылдау жөніндегі республикалық референдум өтіп жатыр. Таңғы сағат 07:00-де дауыс беру учаскелері өз жұмысын бастап, азаматтар алғашқы минуттардан-ақ өз таңдауларын жасау үшін учаскелерге келуде.
Ел аумағындағы барлық сайлау учаскелері дауыс беру процесін ашық әрі ұйымдасқан түрде өткізуге дайын. Алғашқылардың қатарында келген сайлаушыларға дәстүр бойынша естелік сыйлықтар табысталып жатыр.
Референдумды өткізуге дейін барлық өңірлерде дайындық жұмыстары жүргізіліп, дауыс беру орындарында азаматтарға қолайлы жағдай жасалған. Комиссия мүшелері арнайы оқытудан өтіп, тұрғындарға қажетті ақпарат пен көмекті уақытылы көрсетуде.
Қазіргі уақытта республика бойынша дауыс беру процесі қалыпты режимде өтіп, азаматтар өз азаматтық позициясын белсенді түрде білдіруде.
