Қарауыл ауылында Ұлжан және Шәкәрім көшесінде жаңа қоғамдық кеңістіктің құрылысы аяқталды. Бұл туралы Абай облысы әкімдігінің баспасөз қызметіне сілтеме жасап, abaidan.kz агенттігі хабарлайды.
Кеңістікте спорттық нысандар, теннис және баскетбол алаңы, ойын мен жарыс өткізуге арналған футбол алаңы бар. Сондай-ақ саябақ түрлі іс-шараға арналған сахнамен, жаттығу жабдықтарымен қамтылған.
Абай ауданы әкімінің орынбасары Қазыбек Жанғалиев қоғамдық алаңның ашылуымен құттықтады. Саябақтың құрылысына белсене атсалысқан, ауданның дамуына үлес қосқан тұрғындар алғыс хатпен және «Абай ауданының Ел алғысы» төсбелгісімен марапатталды.
